Повик за младински центри: Вклучи се во процесот за циркуларна економија и младински иницијативи

Во рамки на проектот „Граѓанско општество и млади за инклузивен и одржлив развој преку циркуларна економија во Северна Македонија“, Здружението Лидери за едукација, активизам и развој (ЛЕАД) објавуваат повик за вклучување на младински центри.

Целта е да се зголеми учеството на младите во иницијативи поврзани со циркуларната економија (ЦЕ) и намалување на отпадот на локално ниво, преку едукација, практични активности и мали грантови за иницијативи предводени од млади.

Младинските центри кои ќе бидат избрани ќе имаат клучна улога како локални фокус-точки за развивање и имплементирање на активности со млади. Тие ќе обезбедат простор за одржување работилници, ќе работат директно со младите во заедницата и ќе обезбедат менторска поддршка при реализација на иницијативите. За возврат, Центрите ќе добијат обука за користење на нова методологија за работа со млади, инвестиции во опрема и материјали наменети за центарот, како и финансиска поддршка за спроведување на локални младински иницијативи во своите локални средини.

Со ова, Центрите ќе ја зајакнат својата улога во заедницата и ќе придонесат кон развој на култура на одржливост и активно граѓанство.

Кој може да аплицира?

• Младински центри во Северна Македонија кои имаат просторни и логистички услови за организација на обуки и работилници.
• Центри поддржани од локални власти или граѓански организации, кои се подготвени да делегираат лице за спроведување на активностите предвидени во проектот.

Критериуми за избор на младинските центри:

• Располагаат со сопствен простор за реализација на настани
• Располагаат со сопствена опрема за спроведување на активности
• Имаат најмалку еден младински работник кој работи директно со младите
• Демонстрираат интерес и подготвеност да ги спроведуваат предвидените активности

Активности предвидени за избраните младински центри

Избраните центри ќе бидат вклучени во следниве активности:

1. Назначување младински работник кој ќе биде одговорен за спроведување на акативностите; (октомври 2025)
2. Учество на назначениот младински работник на воведна работилница организирана на ЛЕАД за користење на методологијата OWIS – „Еден свет во училиште“; (октомври-ноември 2025)
3. Организација на работилница за OWIS во рамките на Младинскиот центар со најмалку 10 млади луѓе; (ноември 2025)
4. Промоција на повик за млади кои ќе спроведат младински иницијативи за циркуларна економија на локално ниво; (декември 2025)
5. Менторска поддршка на младински тимови кои ќе спроведат младински иницијативи на локално ниво во период од три месеци. (јануари - март 2025)

Што обезбедува проектот?

• Финансиска поддршка за младински иницијативи во областа на циркуларна економија и намалување на отпадот (200 евра).
• Инвестиција во опрема, материјали и алати за младинскиот центар со цел поддршка на нивната работа со млади (500 евра).
• Финансиски надомест за назначениот младински работник (300 евра).
• Обука, менторство и поддршка во организација на активности.

Како да аплицирате?

Заинтересираните младински центри можат да аплицираат со пополнување на формата достапна на СЛЕДНИОВ ЛИНК

Рок за апликација

Апликациите треба да се испратат најдоцна до 15.10.2025.

Со сите избрани младински центри ќе биде потпишан меморандум за соработка

За сите дополнителни прашања, обратете се на: info@lead.org.mk или на 078 204 814